Canadisk slede på veg
Zipfy er liten og lett, men robust og lettstyrt. No har den canadiske sleden kome til Noreg og Os.


Den ser kanskje ut som eit rumpeakebrett med styrepinn, men Zipfy er nok enklare å få styringa på enn kva du skulle tru.
- Den har skjener på undersida, anti-skli sete og front med form som hjelper deg å halda beina opp av bakken. Med robust form og styrepinn får du god kontroll på svingane, denne er lett å bruka både for ungar og vaksne, seier Jack Nilsen, dagleg leiar i Spectra Norge AS, som har agenturet på sleden.
Zipfy er ei fersk, canadisk oppfinning, ein liten freestyle-slede på berre 1,6 kg.
− Zipfy er ny, men blei fort ein suksess. Ved fleire av dei store alpinanlegga blir det arrangert konkurransar i slalåmbakkane, folk leiker seg også i nysnøen med sleden, seier Nilsen.
Sleden er på veg ut til sportsbutikkane, førebels berre utvalde MX Sport-butikkar. Butikken på Os er ein av dei.
Under bilda kan du sjå videosnutt av Zipfy i bruk.