Country og thrash

Laurdag 22. september brakar det laust for det første Battle of the Bjørnefjord på Oseana.

Les òg: Bandbattle over fjorden

8 band har meldt seg på slaget.

For banda handlar det om å få visa seg fram og om konkurranse, om hovudpremien; å få varma opp for Anja Elena Viken, som speler i Oseana 5. oktober.

– Vinnaren får dessutan ei heil helg i studio med produsent. Paul Inge Vikingstad frå ORBO stiller opp. Det blir også premie til 2, og 3. plass i form av gåvekort frå ulike musikkutstyrsbutikkar i Bergen, fortel Espen Hjertaas frå Oseana.

Juryen: Paul Inge Vikingstad (bassist i mellom anna ORBO and the Longshots), Tor Owe Rennemo (butikksjef på Playcom på AMFI Os) og Lennea Lyssand (Made Management).

Vinnarane av BoB skal kårast ved hjelp av stemmer frå fagjuryen og av publikumsstemmer, som er vekta likt.

For publikum handlar det om å få ein kveld vekke frå tv-skjermen, ein rusfri fest med konsert av 8 til dels svært ulike ungdomsband frå Os og nabokommunane.

– Rock har godt fotfeste i Osbygda, men her er det ikkje berre hardrock, vi har funkrock og til og med countrymusikk representert, seier Kjetil Osablod Grønvigh.

Duk og dekka bord

Grønvigh deltar med dobbeltrolle, med litt assistanse frå kultureininga i kommunen og med hjelp frå Os Rockeklubb, som han er leiar for.

– Vi tar med oss det beste ned i Oseana, det same utstyret som vi låner vekk til Søfteland Rock N LOL. Her kjem banda til duk og dekka bord når det kjem til backline.

– I tillegg kan vinnar-bandet sjå fram til ein dag som rockestjerner, med same bevertning og publikum som populære Anja Elena får oppleva.

Knallhardt pauseinnslag

Dei unge arrangørane frå årets UKM er også med og hjelper til med å laga ungdomsfest og battle i Oseana.

Til pauseinnslag har dei fått hardtslåande Neoplasma frå Os til å stilla opp.

Her er banda, musikkstilen og bandmedlemmane:

TRUE WEST frå Fusa (country-rock): Håvard Grøndal Skåtun (vokal og gitar), Erik Rolland (gitar og vokal), William Rolland (bass, vokal og munnspill) og Lars Snilstveidt Gunnerud (trommer).

INCUITER frå Fusa (thrash): Remi André Nygård (gitar og vokal), Viljar Brunvoll (bass) og Even Bakke (trommer).

SECOND CIRCUIT frå Samnanger (hardrock): Magnus Magnussen (gitar og vokal), Håvard Loe (bass) og Vegard Lemme (trommer).

EVOLVER frå Stord (funkrock): Olav Børreson Fossdal (vokal), Kristian Handeland (gitar, backing vokal) og Mathias A. Steffensen (bass, backing vokal), Håvard Røgenes og Alf Erik Nonås Fylkesnes.

ABSTRACTIUM frå Os (progressiv rock): Sander Bråten Johannessen, Daniel Hermansen, Jan Tore Berven og Edvard Moe Haugland.

ONDT I HODE frå Os (groove metal): Vegard Røttingen, Sindre Roald, Edvard Haugland og Sondre Brunvoll.

PINK DISEASE frå Os (metal): Jone Kuven, Henrik Thomassen og Marcus Opstvedt.

REPHRASE frå Os (prog/psykadelisk): Vegard Larsen (vokal), Daniel Knudsen (gitar), Edvard Moe Haugland (bass) og Håkon Skarding (trommer).

Tre av dei fire banda frå Os får ei travel veke, då dei også deltar i Emergenza i Bergen.

– Dette kjem dei til å læra mykje av. Overgangen frå 2,10 i takhøgde på Garage til over det femdoble i Oseana, blir nok brå, men det trur eg dei meistrar, seier Grønvigh.

Les òg: Ny rockesuksess frå Os?