08. jan. 2009
Dagen derpå
Fusingar og tysnesingar ringte i kø til 110 i går. I dag er det rydda fint rundt brannstaden i Vikjo.


Kjetil Vasby Bruarøytorsdag 08. jan. 2009 10:05
- Vi hadde varsla 110 om nedbrenninga av kafeen, så dei kunne gje svar om nokon ringte inn. Og det var det ein god del som gjorde, fortel brannsjef Stein Gjøsund.
Brannvesenet sto for kontrollert nedbrenning av kafeen i Mobergsvikjo onsdag.
Spesielt i nabokommunane Tysnes og Fusa var det folk som såg brannen, og ville varsla.
- 110 fekk ein del kommentarar om at det såg ut som om brannvesenet ikkje var på staden. Vi tok på blålys, så då kom det seg.
Bildet viser korleis det ser ut i Vikjo i dag. Berre grunnmuren står igjen, og det er rydda fint på branntomta.