Lokal | 05. mars 2020

– Dagleg ser vi folk som snublar i desse

Sameiet Sjøfronten Os reagerer på at ikkje lause heller etter stormflo blir ordna.

– Dagleg ser vi folk som snublar i desse
Sånn låg hellene i går, nesten fire veker etter at dei blei banka laus av bøgjene. (Foto: Thea Forstrønen Bruarøy)
Kjetil Vasby Bruarøy
Kjetil Vasby Bruarøytorsdag 05. mars 2020 09:24

Søndag 9. februar, dagen før den rekordhøge stormfloa, var det både høg flo og frisk bris i Os hamn.

Gjestebrygga er skadd, men det er òg den hellelagte gangvegen mellom Os Sjøfront og Oseana.

– Det har gått lang tid frå vi varsla om dette, seier styreleiar Per Eide-Olsen i Sameiet Sjøfronten Os.

Han ber om at dette blir ordna snarast.

– Dagleg ser vi folk som snublar i desse. Det er berre flaks at ingen har skadd seg eller ramla i sjøen.

Søndag 9. februar, etter høg flo og frisk bris, låg hellene lause. (Lesarbilde)
Søndag 9. februar, etter høg flo og frisk bris, låg hellene lause. (Lesarbilde)

Bjørnafjorden kommune fortel at dei har registrert skaden, og viser vidare til grøntavdelinga i kommunen.

– Eg fekk veta om dette først i dag. Det kan sjå ut som om meldinga ved har gått via feil avdeling til oss, og derfor blitt liggande nokre dagar, fortel Siri Berge.

Ho har allereie sendt ein kollega på synfaring.

– Han skal vurdera om vi tar denne jobben sjølv eller om vi må leiga inn folk. Men vi vil reparera skaden så snart som mogleg.

Også gjestebrygga mellom Esso og Peppes er skadd.

– Vi ventar framleis på takst, men har bestilt materialar, seier Agnete Haugland, leiar for teknisk eining.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.