Sport | 07. sep. 2012

Damene best på fjorden

«Ina Kristine» med Janet Lepsøy blei beste båt frå Os og klubbmeister i Askeladden-seglaset.

Damene best på fjorden
Ina Kristine med Janet Lepsøy ved roret blei klubbmeister (foto: Os seilforening)
Andris Hamrefredag 07. sep. 2012 13:38

Førre helg slo Os Seilforening og Milde båtlag seg saman med «Os meisterskapet» og «Bjørnefjord seilasen» til «Askeladden» som også inngår i Horda Cup.

- Osmeister blei Erik Rosenberg i Mad Man. Klubbmeister blei Janet Lepsøy i Ina Kristine, fortel Svein Skoglund i Os Seilforening.

Seglinga starta laurdag ved Korsneset og enda opp ved Fluøyane (Godøysund) før ein god middag og overnatting på Våge sto på programmet før retur sundagen.

- 25 båtar var med fordelt på klassane Lys Doublehand, Tur, Lys uten spinnaker, Lys t.o.m 1,24 og Lys f.o.m 1,25.

Frå sterk til svak vind

Starten gjekk frå Blia ved Korsneset med frisk vind 10 m/sek frå sør sør/aust.

- Dei fleste starta med rev i storseilet og eit mindre forseil.

- Det blei kryssa sør over Lysefjorden/Korsfjorden, straumen kom frå sør, så det var nok lurt å leggja seg mest mogleg i le av holmane sørover, fortel Skoglund.

Ved runding av Røttingatongane valgte nokon å gå heilt til Reksteren, andre valde midt i fjorden og nokre valgde å gå langs Søre Øyane mot Halhjem før dei kryssa fjorden.

- Etterkvart stilna vinden veldig og dei som gjekk mot Halhjem fekk nesten vindstille før dei kom over, vinden veksla i retning og gjorde det vanskeleg for seilarane.

Full seilføring

Sundagens seilas starta ved Fluøyene (Godøysund) med 8 m/sek vind.

- Alle valde å starta med full seilføring.

- Båtane spreidde seg raskt på fjorden. Kven som fekk dei beste tilhøva er vanskeleg å seie, avsluttar Skoglund.

Første runding var ved Trolsøykalven på Austevollsida, derfrå gjekk båtane vidare til Gulholmsflua aust om Røttingen og opp til mål ved Alholmen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.