Sport | 22. mai 2013

Damene toppar tabellen

Os står utan tap etter dei seks første serierundane.

Damene toppar tabellen
Marita Arentzen skaffa straffe, som førte til 2-1, og sette sjølv inn 3-1-målet i sigeren over Rosendal måndag. (Arkivfoto: KVB)
Kjetil Vasby Bruarøy
Kjetil Vasby Bruarøyonsdag 22. mai 2013 08:28

Fotballdamene til Os starta sesongen med uavgjort, men har vunne alle dei fem kampane etter serieopninga og toppar no tabellen.

Måndag slo dei Rosendal 3-1 på heimebane.

– Linda Johansen sette inn 1-0 og gjestane utlikna før pause. I 2. omgang kom Marita Arentzen på banen og gjorde god figur, fortel hovudtrenar Cato Moldskred.

Først skaffa ho straffe, som Charlotte Balland sette rett i mål, så auka Marita til 3-1.

– Vi har blitt flinke til å ta ballen ned og spela, og får no løn for nokre år med god intensitet med mykje spel på små flater på trening. I periodar speler vi ut dei andre laga, seier Moldskred om den gode starten på sesongen.

Blant dei beste i 4. divisjon

Os har dei siste åra vore blant dei beste på nedste nivå, der serien har vore delt med dei beste samla i éi avdeling på haustsesongen.

Men opprykk til 3. divisjon har det ikkje blitt.

– I år blir avdelingane kjørt gjennom heile sesongen, og vi må nok vinna avdelinga om vi skal opp ein divisjon.

Også Os sin neste kamp går på heimebane. Søndag 2. juni (kl16) tar dei imot Sund til toppkamp på Kuventræ.

Sund har berre spelt 4 kampar til no, men vunne alle.

Sjå tabell.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.