Os hamn klokka 8 tysdag morgon. (Foto: Kjetil Vasby Bruarøy)

Dårleg sikt - godt varsel

Tysdag starta med tett skodde, men det er skyfri himmel og 14 varmegradar i vente.

Av: Kjetil Vasby Bruarøy

«Det må påreknast forseinkingar i sambandet grunna tåke» skriv Fjord1 om ferjesambandet Halhjem-Sandvikvåg tysdag morgon.

Tett skodde ligg over store delar av Os, ikkje minst nær fjorden.

Når skodda slepp taket skal det bli mykje sol og varme.

• Les òg: Kald og tørr mars - men i fjor snudde det på 13 gradar

Lang godvêrsperiode

Det er meldt 11 gradar og lettskya tysdag.

Temperaturen skal auka til 12 gradar onsdag og 13 gradar torsdag.

Torsdag og fredag skal det dessutan bli skyfri himmel.

Vindstyrken er venta å halda seg under 2 m/s fram til torsdag kveld. Til fredag er det meldt 4-6 m/s.

Litt nedbør laurdag ettermiddag

I helga skal det skya litt til. Laurdag skal bli lettskya på formiddagen, men på ettermiddagen er det fare for litt nedbør.

Søndag er meldt overskya.

I neste veke er det meldt meir sol og aukande temperatur til 14 gradar.

Fleire saker