Sport | 24. juli 2018

Debuterte med storsiger

Lysekloster si første sommarsignering, Markus Vassnes, la opp til 4-2 målet då munkane banka Stord 6-2.

Debuterte med storsiger
Markus Vassnes fekk debuten for Lysekloster i det 85. minutt mot Stord (foto: Andris Hamre)
Andris Hamretirsdag 24. juli 2018 12:43

Svein Kollen fortalde til Midtsiden i førre veke at dei trengde påfyll i spelarstallen før hausten og at dei truleg kom til å signera tre til seks spelarar i løpet av overgangsvindauget.

No er den første signeringa på plass. Markus Vassnes har tatt turen frå Fylingsdalen til Lysekloster, kor han fekk debuten då han etter 85 minutt blei bytta inn for Vladan Radojkic.

Vassnes var ikkje snauare at han berre minuttet seinare serverte eit innlegg til Kristoffer Østervold, som bytta inn samstundes med Vassnes. Østervold var kontant på hovudet og satte ballen sikkert i mål til 4-2-leiing.

Hurtig og offensiv kant

Vassnes fyller 19 år i år og er fødd og vakse opp på Austevoll. Sjølv omtalar han seg som ein hurtig og offensivretta kantspelar som ønskjer å bidra offensivt.

– Eg liker miljøet i klubben veldig godt. Det er mange ambisiøse spelarar her, samstundes som eg liker spelestilen. Det gjorde at Lysekloster blei mest attraktiv for meg og mi utvekling, seier Vassnes til Lysekloster si heimeside.

Austevollingen legg ikkje skjul på at han har ambisjonar.

– Fotball er noko eg verdset veldig høgt. Eg satsar fullt for å konkurrere til meg ein plass på laget på kort sikt. På lengre sikt skal eg bli god nok til å spele på eit enno høgre nivå.

Vassnes har i år spelt tre kampar for Fyllingsdalen sitt B-lag og skåra tre mål, blant anna 2-0 målet då Fyllingsdalen 2 slo Os 3-2 i vår. I 2017-sesongen fekk han 10 kampar for Fyllingsdalen sitt A-lag og skåra 2 mål.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.