Eikedalen, her i romjula 2018, har no over ein meter med snø. (Foto: KVB)
Eikedalen, her i romjula 2018, har no over ein meter med snø. (Foto: KVB)

Dei finaste dagane i vinterferien

Melder fleire dagar med kuling og regn - men delar av ferien kan få fint vêr.

Kjetil Vasby Bruarøy
20. februar 2020 - 10:42

Fredag er siste skuledag før årets vinterferie. Dei første dagane i ferien ligg an til å bli våte og vindfulle.

Det er meldt 5-6 gradar og regn frå fredag morgon til og med søndag formiddag.

Samtidig skal vindstyrken ligga på 10-12 m/s, altså liten kuling, som kjem frå vest og sørvest.

Søndag kan det bli sol, opphaldsvêr og 3-6 m/s vindstyrke. Vêret skal halda seg lett til måndag ettermiddag, så kjem regnet og vindstyrke opp mot 10 m/s igjen.

Tysdag ligg an til å bli den våtaste og mest vindfulle dagen. Storm.no melder over 16 m/s vind og nedbør gjennom heile dagen.

Siste del av vinterferien får svakare vind. Det er meldt nedbør onsdag og torsdag, Storm melder noko lågare temperaturar enn Yr, og trur det vil koma sludd og snø, Yr melder 4 gradar og lett regn.

Fredag om ei veke er det meldt opphaldsvêr og 1-4 plussgradar.

Mykje snø i fjellet

Både førre veke og denne har det kome påfyll av snø i fjellet.

Eikedalen har no over ein meter snø, og utvida i førre veke frå barnetrekka til å setja i gang Tvillingtrekket.

I Myrkdalen og på Voss Resort er alle heisar i drift, på Voss med unntak av Vetlebakken.

Også i Eikedalen ligg det an til å koma kraftig vind fredag, laurdag og tysdag, men både søndag, måndag og frå onsdag ser det ut til å bli gode dagar i bakken - rett nok med ein del snø.

Les meir om

Lokal