«Mamma Mia - Here we go again» er ein av dei to første filmane som blir viaste i Oseana i haust.

Dei første kinohelgene denne hausten

Søndag er første kinodag i Oseana etter ferien. Her er dei første filmane som blir viste i Os i haust.

Av: Kjetil Vasby Bruarøy

Bygdekinoen held fram med å køyra kino i Oseana, to filmar annakvar søndag, og søndag 12. august er første kinodag i Os etter sommarferien.

Dei to første filmane er begge utan aldersgrense:

Karsten og Petra på skattejakt
Den sjuande og siste filmen om Karsten og Petra. Karsten tilbringer sommarferien på Hvaler med Petra sin familie, og på stranda finn dei ein boks som morfar gravde ned då han var liten, saman med bestekameraten Alfred, som han ikkje har sett på 65 år.

Mamma Mia! Here We Go Again
Oppfølgaren til kinosuksessen Mamma Mia er klar. Ti år etter handlinga i den første filmen ventar Sophie og Sky barn. Sophie har tatt over drifta av Donnas villa på den greske øya Kalokairi. Mens ho går svanger ønskjer ho å veta meir om mora si fortid og korleis ho møtte hennar tre fedre. I tillegg bankar ein ny gjest på døra; Sophie si bestemor, som ho aldri har møtt før.

Om to veker er neste kinohelg, og då går det frå kos til action, både på første framsyning på ettermiddagen og på kvelden.

De utrolige 2
Animasjon, norsk tale
I «De Utrolige 2» blir Helen oppfordra til å leia ein kampanje for å bringa superheltane tilbake, mens Bob navigerer det daglege heroiske og «normale» kvardagslivet heime med Voletta, Dash og baby Jack-Jack - som har byrja å visa superkreftene sine.

Mission: Impossible - Fallout
Aldersgrense: 12 år
Tom Cruise er tilbake som Ethan Hunt i Mission: Impossible. Denne gongen er sjølvaste Preikestolen i Rogaland ein av destinasjonane. Eit IMF-oppdrag går galt, og det får fatale konsekvensar. Når Ethan Hunt forsøker å ta opp igjen oppdraget byrjar CIA å undra seg over motiva hans. IMF-teamet går inn i eit intenst kappløp for å indra ein global katastrofe, samtidig som både CIA og internasjonale terroristar prøver å stoppa dei.

Programmet for september er ikkje heilt klart, men 1 av 2 filmar er bestemte for to søndagar.

9. september blir den norske naturkatastrofefilmen «Skjelvet» vist på kvelden, 23. september er det «Månelyst i Flåklypa» som ettermiddagsfilm.

Fleire saker