Kultur | 11. juli 2020

– Dei siste billettane får vi selja om bord

I kveld legg første av tre sommarcruise med MS Midthordland frå kai.

– Dei siste billettane får vi selja om bord
MS Midthordland ligg til Os kai, klar for countrycruise. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 11. juli 2020 12:33

Dei kallar det både «rekecruise» og «bluescruise», dei tre avgangane med mat og levande musikk på Bjørnafjorden i juli.

MS Midthordland-eigarane, Det Midthordlandske Dampskibsselskap AS, har mista mange bookingar denne våren og sommaren, blant anna grunna avlyste festivalar.

På forsommaren lagde dei sitt eige program for juli, med avgangar frå Os og Våge tre laurdagar på rad, med tre ulike band om bord.

Responsen har vore ganske god.

– Vi har selt 60 av 100 billettar til cruiset i kveld. Kjem vi opp i 75-80 er vi veldig nøgde, seier medeigar og ein av kapteinane, Helge Andersen.

Folk kan gå om bord frå klokka 17. Salet på Ticketco er ope til klokka 18, men det går òg an å kjøpa om bord.

Country, blues og pop

Kveldens cruise er det første av tre på rad, og blir eit skikkeleg countrycruise. Korleis dei skal løysa det, når du helst ikkje skal nemna ordet «hest» når du er om bord i båt, er uvisst, men bak mikrofonen står ei erfaren dame.

Valentina Boyanova frå Porsgrunn, opprinneleg frå Bulgaria, har blant anna har sunge med Lynn Anderson og Bonnie Tyler, og har Stephen Ackles med seg på duett på siste plata si.

Ho byrja med musikk som 10-åring, spelte gitar frå ho var 14 og blei profesjonell musikar då ho var 18 år. Ho har spelt for den bulgarske presidenten to gongar, og turnerte på turistplassane rundt Svartehavet og i Russland før ho i 1991 kom til Noreg.

Dei neste to laurdagane står bluesmusikk med Steinar Lyssand, Dag Bergesen og Vetrhus-trommis Bjørn Moe, og Face 2 Face (Leif Østrem og Trond Pedersen) på plakaten.

– Begge dei to siste cruisa ligg òg ute for sal. Spesielt til neste helg er salet godt i gang, seier Helge.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.