Deilig siger over serieleiaren
Etter å ha leia 16-8 til pause blei det ein høgdramatisk andreomgang.
Torsdag kveld møtte Os Bergen Håndballklubb (BHK) til nest siste serierunde. BHK sto før kampen med berre eitt tap, noko dei fekk mot serietoar Bjørnar i førre runde.
- Vi har hatt gode treninger den siste tida. Gå utpå der, kos dykk og gjer det same som på treningane, var meldinga frå trenar Leif Idar Røen før kampstart.
Den siste treningsperioden må ha vore god. Os gjekk ut i eit forrykande tempo og køyrde over BHK frå start. Høgt tempo og kontakt forsvar var oppskrifta som gjorde at Os kunne gå til pause med 8-målsleiing.
- Den første omgangen var heilt fantastisk. Gutane gjorde tinga enkelt og kontant.
Når keeper Einar Godø i tillegg har bestemt seg å stenga buret er det ikkje lett å vera BHK-spelar, noko som gav stor grad av frustrasjon med påfølgjande tjuvtriks.
Høgdramatisk
Med 10-målsleiing skulle ein tru at det skulle bli ein enkel veg fram til siger, men i handball kan det snu fort. BHK hadde gjort taktiske grep i pausen og tok vekk dei to bakspelerane Isak Røen og Trygve Dahl.
Dette førte til at Os byrja å stressa og ta dårlige avslutningar, samstundes som BHK hadde funne ut av kor i osforsvaret dei skulle setja inn støtet.
Med berre halvanna minutt igjen å spela var leiinga knappa ned i eitt mål. Os skårar eit viktig mål som gjer at dei igjen er to foran, før BHK utliknar og møter Os på midtbanen mann mot mann.
- Sjølv om vi rotar frykteleg og gjer dårlege val klarer vi likevel å dra i land ein heilt fantastisk deilig siger.
- På slutten er det så tett og jamt at det er ei påkjenning å stå på sidelinja, avsluttar Leif Idar Røen med eit smil.
BHK-Os 24-25 (8-16)
Utv: BHK 2x2 min, Os 3 x 2 min (rødt kort)
Os sitt lag: Andreas G. Sennesvik, Einar Godø, Øystein Skarding 3, Ove Lyssand 7, Trygve Dahl 1, Joakim Blostrupmoen 3, Johan Nydal 2, Isak Røen 7, Stian Karlsen 2, Hans-Arne Eidsvik, Steinar Gaasdal.
Siste serierunde går heime i Oshallen sundag 25. mars klokka 16.30 mot Lyngbø.
Som ein liten kuriositet kan det nevnast at denne artikkelen er skriven på omlag same høgde (i fly på veg til Oslo 10.000 fot over Hardangervidda) som Osherrane hadde etter sigeren.