Demp farten!
Forsikringsbransjen har utbetalt vel 1,75 millionar berre i Os dei siste ti åra etter viltpåkøyrslar. – Oktober er høgsesong, seier Arne Voll.
I løpet av dei ti siste åra har forsikringsselskapa i Noreg tilsaman betalt ut over éin milliard kroner som følgje av kollisjon med dyr. 45,5 millionar av dette er utbetalt i Hordaland.
– Tala er henta frå registra til Finans Noreg og gjeld heile forsikringsbransjen.
– Dette har blitt meldt inn 74 skadar som følgje av møte mellom personbil og dyr, fortel Arne Voll, informasjonssjef i Gjensidige.
I snitt har kvar skade kosta 23.700 kroner, noko som gjer at totalbeløpet for Os blir vel 1,75 millionar kroner.
Haust er høgsesong
Hausten er høgsesong for viltkollisjonar.
– Mørkare kveldar, snøfall og sesongtrekk frå sommar til vinterbeite er blant faktorane som kan forklara kvifor det er spesielt mange kollisjonar om hausten.
– På landsbasis ser vi at tala går markant opp i oktober.
Senk farten
Samanstøt med store dyr som elg og hjort førar ofte til alvorleg personskader, spesielt når farten er over 80 km/t.
– Høg fart gjer òg at det er vanskelegare å oppdaga dyr på veg inn i vegbanen.
– Oppmodinga er difor; Demp farten, spesielt i grålysninga, skumringa og der det er vegetasjon nær vegen.
Voll oppmodar bilistane til å respektera fartsgrensene og vera ekstra aktsomme når dei passerar eit skilt som varslar fare om dyr i vegbanen.
– Det er ein grunn til at skilta står dei dei står, påpeikar Voll.