Den første snøen
Den lander som sludd i låglandet, men har skapt trøbbel på Fanafjellet.
Fredag 10. november blei første dag med kvite flak i låglandet i Os denne vinteren.
I sentrum landar flaka som sludd, på fjelltoppane er det kvitt. Det gjeld også høgda mellom Os og Bergen, Fanafjellet, der det fredag morgon var vinterføre.
– Det er den første snøen, då blir det som vanleg litt kaos, seier Kjetil Larsen ved Vegtrafikksentralen til BT.no i dag.
Det har vore trøbbel på Fanafjellet i dag tidleg og ei utforkøyring på Kvamskogen.
Melder sol til søndag
Fredagen skal halda fram med nedbør og temperatur på rundt 1-3 gradar.
Laurdag er det meldt noko lettare og éin grad varmare. Det er godt nytt for dei rundt 300 som skal spela gatecup på Kuventræ i morgon.
Snøen som har kome i fjellet kan bli liggande nokre dagar, og til søndag og måndag er det meldt opphaldsvêr, sol og 1-3 gradar i Os. På Kvamskogen er det meldt 2-3 gradar kaldare.
Tysdag og onsdag skal det koma meir nedbør og høgare temperatur, 4-5 gradar tysdag og 6-7 gradar onsdag.
Sjå vêrmelding for Osøyro på Pent.no.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.