Næringsliv | 03. des. 2013

Den første til Forsvaret

Spesialtilpassa S65 RIB: I går var det overlevering av den første RIB-en frå Askeladden til Forsvaret.

Den første til Forsvaret
Båten er bygd for dykkaroperasjonar og mindre sikringsoppdrag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 03. des. 2013 10:16

Bildeserie:

Spesialtilpassa Askeladden S65 RIB. (Foto: KVB)
Spesialtilpassa Askeladden S65 RIB. (Foto: KVB)
2 x 90 hk Evenrude 2-takt. (Foto: KVB)
2 x 90 hk Evenrude 2-takt. (Foto: KVB)
Synleg og usynleg: Med radarreflektor, men også med svartlakkert metall. (Foto: KVB)
Synleg og usynleg: Med radarreflektor, men også med svartlakkert metall. (Foto: KVB)
Med redningsgrind. (Foto: KVB)
Med redningsgrind. (Foto: KVB)
... so kan festast på begge sider av båten. (Foto: KVB)
... so kan festast på begge sider av båten. (Foto: KVB)
Forsterka pullert i baugen. (Foto: KVB)
Forsterka pullert i baugen. (Foto: KVB)
Askeladden var ikkje lågast i pris, men raskast på levering. (Foto: KVB)
Askeladden var ikkje lågast i pris, men raskast på levering. (Foto: KVB)
Dette er den første Askeladden Forsvaret bestiller. (Foto: KVB)
Dette er den første Askeladden Forsvaret bestiller. (Foto: KVB)
1 av 8
Spesialtilpassa Askeladden S65 RIB. (Foto: KVB)
2 x 90 hk Evenrude 2-takt. (Foto: KVB)
Synleg og usynleg: Med radarreflektor, men også med svartlakkert metall. (Foto: KVB)
Med redningsgrind. (Foto: KVB)
... so kan festast på begge sider av båten. (Foto: KVB)
Forsterka pullert i baugen. (Foto: KVB)
Askeladden var ikkje lågast i pris, men raskast på levering. (Foto: KVB)
Dette er den første Askeladden Forsvaret bestiller. (Foto: KVB)

I juni signerte Forsvaret ein rammeavtale med Askeladden Boats AS, den over 100 år gamle båtprodusenten i Askvik i Os.

Måndag var det overlevering av den første båten, ein Askeladden S65 RIB, med ein del ekstra utstyr og tilpassingar.

Les òg: Fekk avtale med Forsvaret

– Askeladden var ikkje billigast, men dei var best på levering. I tillegg ser vi fordel av at dei er lokalt forankra, seier Knut Ingar Honve.

Honve har gått av etter 39 år i Forsvaret, men jobbar no i full stilling for FLO (Forsvarets logistikk organisasjon, som har ansvar for småbåtar og materiell, ikkje berre til marinen, men også til hæren.

2 x 2-taktar

Den første Askeladden levert til Forsvaret er ein S65 rib med 2 x 90 hk Evenrude. Motorvalet er styrt av ei anna rammeavtale Forsvaret har.

– Vi vil ha 2-taktar og Evenrude produserer 2-taktar som er innanfor usleppskravet som kom for nokre år sidan, som førte til at dei fleste 2-taktarane forsvann ut av marknaden.

Synleg og usynleg

S65-en erstattar ein finsk båt av same storleik, ein Boomeranger som no er godt brukt og gått ut på dato.

– Båten skal brukast som ein liten sikringsbåt og til ulike dykkeroperasjonar, fortel Honve.

Lista over spesifikasjonar og utstyr skal ha vore lang.

– Den har alt av navigasjon og er spesielt godt utstyrt med lys, både signallys og arbeidslys. Båten har også redningsgrind.

Båten skal kunna gjerast synleg, men skal også kunna vera lett å skjula. Detaljar som svartlakkert metall er blant det Askeladden Boats har måtta levera.

– Er båten rigga for større våpen enn handvåpen, eller på annan måte rusta til strid?

– Dette med fundament til våpenfeste er noko vi har diskutert Askeladden, men det var ikkje aktuelt for akkurat denne båten.

– Interessant oppdrag

Salssjef Jonathan Dyrstad frå Askeladden Boats sto for overleveringa saman Torry Drange Haugland frå teknisk avdeling.

– Sjølv om dette har vore ein forholdsvis enkel ordre i forhold til kva som kan koma seinare, har det vore eit lærerikt og interessant oppdrag.

– Forsvaret har gode rutiner og framstår som veldig løysingsorientert. Vi hadde grundig prosjektmøte i forkant, der vi gjekk gjennom spesifikasjonskrava, og har hatt god dialog i løpet av byggeprosessen, seier Dyrstad.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.