Lokal | 21. aug. 2012

– Den raskaste etableringa

Måndagens opning av Noregs sjuande "Kjør for livet"-klubb er den raskaste etableringa organisasjonen har vore med på.

– Den raskaste etableringa
Kalle Pedersen og Jane Espeland saman med Lisbeth Axelsen, Terje Søviknes, Eirik André Hesthamar, Ingvar Torsvik og Knut Terje Rekve frå kommunen og Jan Tore Brustad og Edvard Halgunset frå KfL sentralt (foto: Andris Hamre)
Andris Hamretirsdag 21. aug. 2012 07:29

Tysdag 20. mars presenterte grunnleggjar Knut Ove Børseth planane om å starta klubb nummer sju av organisasjonen "Kjør for livet" for formannskapet i Os. Berre minuttar etter at Børsheim hadde forlatt formannskapet bevilga dei 360.000 kroner for at organisasjonen skulle få starta prosjektet saman med Os MC & MX-klubb.

- Vi er mektig imponerte over tempoet som har vore sidan den første kontakten med Os blei oppretta.

- Her har de satt ein solid noregsrekord, helsa Edvard Halgunset, administrativ leiar i Kjør for Livet (KfL) dei kommunale representantane under opninga i Sigurdsvika måndag.

- Sakhandsaminga tok ikkje meir enn eit par runder på crossbanen her ute, la Jan Tore Brustad, marknadssjef i KfL til.

Første kvinnelege teamleiar

Klubben som formelt blei opna i går blir leia av Jane Espeland, mangeårig eldsjel i OS MC & MX klubb. Med seg på laget får ho Karl Atle (Kalle) Pedersen som teamveileiar.

- Der òg er Os først ute. Jane blir den første kvinnelege teamleiaren i KfL.

- Det at vi fekk kontakt med Jane var ei lykke. Vi ønskjer å finna gode ressursar i lokalmiljøet som kan vidareføra våre tankar og idear. I Jane fann vi nettopp det, skraut Brustad.

- Ta Os i bruk

Det at Jane Espeland og Kalle Pedersen allereie er ein del av MC & MX-klubben ser dei to som ein stor fordel.

- Det gjer at KfL kan integrerast i eit allereie etablert miljø. Kanskje kan det gjera at barrierar rivast ned og at dei fem ungdommane som blir med i klubben etterkvart tek steget inn i MC & MX-miljøet.

Dette var som musikk i øyrane for dei kommunale representantane.

- Noko av det som gjorde at det gjekk så raskt å etablera klubben er at tankane og måten å gjera det på passa som hand i hanske med det vi nettopp hadde vedteke i kommunen sin kvalitetsplan.

- Ta Os i bruk. Samarbeid og vitalisering av det som allereie finns i kommunen er viktige grep i den samanhengen, påpeika oppvekstsjef Ingar Torsvik.

Eit positivt møte

Avtalen mellom kommunen og den ideelle organisasjonen omfattar i første omgang eit prøveprosjekt kor fem ungdommar får tilbodet om å vera med i «Kjør for livet»-teamet saman med dei to vaksne leiarane.

Utvelgjelsen av ungdommane som får tilbodet har skjedd i samarbeid mellom organisasjonen, kommunen og rektorane ved ungdomsskulane.

- Vi hadde eit møte med fire av ungdommane allereie i førre veke. Det blei ei veldig positiv oppleving, fortel teamleiar Jane Espeland som er glad for at ho no får realisera ein draum ho har bore på i fleire år som aktiv støttespelar i motocrossmiljøet.

Dette er "Kjør for Livet"

"Kjør for Livet" er eit tilpassa fritids- og aktivitetstilbod for born og unge som har vanskar med å nyttegjera seg, eller som ikkje passar heilt inn i eksisterande fritidstilbod. KfL nyttar action, motorsport og mekking som interessevekkarar for å skapa lyst på livet og for å gje born og unge inspirasjon, motivasjon og meistring.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.