Hans Kristian Sælen med premien. Innfelt; John Lepsøy med fangst første dag i 2015-sesongen. (Foto: Kjetil V. Bruarøy/Andris Hamre)

Den største hummaren - det beste bildet

Fotokonkurranse: Send oss bilde av fangsten din, vêr med i trekninga av to hummarteiner.

Av: Kjetil Vasby Bruarøy

Måndag starta hummarsesongen, i år med ny fredningssone.

• Sjå Midtsiden samleside: Jakt og fiske

Vi i Midtsiden-redaksjonen håper fisket foregår på forsvarleg og lovleg vis, og med fin fangst og gode opplevingar i skjergarden og rundt middagsbordet.

Saman med Jernia Os, Paul M Sælen & Co AS, arrangerer vi ein fotokonkurranse i to kategoriar:

1. Største fangst
2. Finaste bilde

• Største fangst kan anten vera sum av hummar i éi teine, eller største hummar (vekt og lengde på éin hummar).

• Finaste bilde kan vera alt frå morosamt til sjarmerande, der anten hummaren, fiskaren eller fjorden og landskapet set ei viss stemning.

Fangsten må vera tatt i Os eller nærmaste nabokommunar (Samnanger, Fusa, Tysnes, Austevoll, Sund, Fana) - eller av osingar på hyttetur langs kysten. Den må òg vera fiska i årets sesong.

Send bilde til tips@midtsiden.no innan 1. desember.

Ta med namn på fiskar og på folk på bildet. Om bildet konkurrerer i kategorier «største fangst», skriv kilo og lengde, eventuelt antal og kilo om det er mange i éi teine og ikkje éin enkelt stor hummar du konkurrer med.

Vi trekker to vinnarar som får kvar si hummarteine av Paul M Sælen & Co i premie.

Fleire saker