Kultur | 08. nov. 2012

– Desse klarar det!

WT Litteraturfestival: Ein begeistra kultursjef, Lisbeth Axelsen, opna litteraturfestivalen: - Vi betalar for ungdom som vil på skrivekurset.

– Desse klarar det!
Kultursjef Lisbeth Axelsen opna festivalen og hylla arrangørane, her representert ved Frode Sirevåg (foto: Andris Hamre)
Andris Hamretorsdag 08. nov. 2012 14:15

Framfor elevar frå Os vidaregåande skule opna kultursjef Lisbeth Axelsen, historias første WT Litteraturfestival på Oseana torsdag formiddag.

- Hadde nokon annan enn Frode (Sirevåg), Vidar (Bratlund-Mæland) og Kjetil (Fossåskaret) kome på kontoret mitt og presentert slike vidløftige planar som desse tre gjorde i vår hadde eg berre tenkt "dream on".

- Men desse tre karane har vist før at dei får det til. Takk for at de er dei de er.

- Til dykk andre: De er med på ei verdsbegivenhet. Det som P2 sitt bokprogram kallar ei av dei fire litteraturfestivalane ein må få med seg og som Dagbladet nemner blant dei seks viktigaste litteraturfestivalane i Noreg skal opnast for første gong i hitoria her og no, helsa kultursjefen.

Vil gje ungdommen skriveglede

Ei lita gåve til ungdommen i bygda hadde òg kultursjefen teke med seg.

- Ei god bok gjev ei fantastisk oppleving.

- På laurdag arrangerast det skrivekurs for ungdom mellom 13 og 18 år på Bjørnefjorden Gjestetun.

- Eigentleg kostar det 300 kroner per deltakar med den rekninga tek vi på kulturavdelinga. Eg veit det er ledige plassar, så meld dykk på, oppfordra Lisbeth Axelsen.

Om du har lyst på å delta på skrivekurset med forfattar Tor Arve Røssland kan du melda deg på på Os folkebibliotek eller ved å senda ein e-post til post@wt-festivalen.no.

Har skumma fløten

Festivalen starta torsdag med Fantasy i nordisk litteratur og bokkveld i Solbakkestova før den held fram med høgtlesing, lyrikk, skrivekurs og bokbad. I tillegg fleire konsertar.

- For å sitera arrangørane sjølve: Vi har skumma fløten og sitter med nokre av dei framste forfattarane Noreg har å by på.

- Gratulerer med dagen, og med det er festivalen opna, avslutta Lisbeth Axelsen.

Blant forfattarane som kjem er Frode Grytten, Gunnar Staalesen, Jørn Lie Horst, Ingrid Berglund, Bente Bratlund, Hans Sande og Kristine Tofte

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.