Det blir ein fest
Det er gjerne tidleg å koma med ei vurdering av Havfest etter første øving, men vi er overtydd om at dette blir ein fest.

Midtsiden.no var med då Havfolket hadde si første samla øving i Fjellheim laurdag. Omlag 20 amatørar og profesjonelle var samla til det komponist Glenn Erik Haugland kalla ur-ur-ur-premiere på scene 2.
- No berre hiv vi dei utpå og ser korleis det går, fortalte komponisten.
Etter å ha sett scena som går føre seg under havoverflata er denne journalisten overbevist om at Havfest kjem til å bli ei fantastisk festforestilling.
Eg har lyst til å sjå heile forestillinga no, og ikkje måtte venta til i juni...
Fryktlause amatørar
Den omlag 17 minutt lange scena blei spelt i eitt. Hadde eg ikkje vist på førehand at dette var første gongen, ville eg trudd at artistane var i sluttfasen av øvingane.
Dei unge amatørane som spelar sild og kreaturar entrar gulvet med den største naturlegheit og tryggleik. Det eineste som avslørar at dei framleis er tidleg i øvingane er stemmebruken, med litt meir trøkk blir dette kanon.
Billettar frå midten av april
Billettane til dei fire framsyningane i Osana i juni er førebels ikkje lagt ut for sal.
Arrangementssjef Berit Steen i Osana fortel at billettsalet til Havfest, og dei andre arrangementa av opningsfestivalen, startar medio april.