– Det flaut med boss
Brannvesenet taua inn tre bosspann, med innhald, etter at vandalar slo til natt til søndag.
Søndag formiddag meldte bebuarar i Vindu mot Fjorden frå om forureining i Os hamn.
– "Det flyter med boss i Os hamn. Fleire bosspann er kasta på sjøen" var meldinga vi fekk frå operasjonssentralen til politiet, fortel varabrannsjef Arne Monsen.
Brannvesenet sjøsette gummibåten og hanka inn bosspanna, to store hyttekonteinarar i plast og eit i tilsvarande storleik som private hushaldningar har.
– I tillegg tok vi opp alt vi fann som hadde vore oppi spanna, det blei eit heilt stort spann til saman, fortel Monsen.
Han har problem med å forstå at nokon kan synast at det å kasta boss i hamna er god underhalding.
– No må vi rett og slett byrja å låsa fast bosspanna. Det er synd at det har blitt sånn, synes varabrannsjefen.