– Det kan bli trangt om plassen i bedehuset
Held konsert hos nyoppussa 100-åring.
Bedehuset «Fredheim» i Øyane blei bygd i 1922, om lag på same tid som ungdomshuset «Skogheim».
Lokale krefter har pussa opp huset dei siste åra, både fasaden og inne.
I neste veke er det konsert med koret KOR-MIX frå Åsane i bedehuset.
Dirigent er pensjonert Kongshaug-rektor Oddvar Rotvik.
– Konserten er på kvelden torsdag 6. oktober. Vi håper konserten vil gi ny inspirasjon til å fylla bedehuset med song og salmar også i åra som kjem, seier Rotvik.
Pianist er Dag Vilsvik.
– Programmet består av nye og gamle bedehussongar. Koret framfører tekstar av Elias Blix til nye melodiar og arrangement skrivne av Vilsvik.
I sommar var koret på turné i Salten, Nordland i ei veke.
– Koret song i Bodø domkirke, Kjerringøy, Saltstraumen, Fauske, Sør Arnøy og avslutta på Elias Blix-stemne på Inndyr.
Femti personar var med på turen til Salten.
– Vi reknar med det kan bli trangt om plassen i bedehuset denne kvelden. Programmet vil passa godt i dette ærverdige bedehuset, som har vore fylt med song og salmar i generasjonar.
