– Det sosiale lokka

Bildeserie:

1 av 2

Fredag inviterte Osfest til frivilligtreff og konsert med Twang Gang på Oseana. Samtidig slapp dei Morten Abel, Jace Everett og Kjell Elvis som dei tre siste artistane, og dermed kunne årets design og plakater også frigjerast.

350 frivillige trengs for å få to dagar med musikkfest på Osøyro til å rulla rundt. Målet med samlinga var å få fleire til å melda seg og å få oppdatert og fordelt arbeidsoppgåvene blant dei som allereie hadde meldt seg.

– Vi hadde lyst til å få med oss alle artistane. Det at vi får gratis pass til den dagen vi ikkje skal jobba gjer jo ikkje noko det heller.

– Også blir der sosialt då, det var òg medverkande til at vi ville melda oss, fortel Malene Ullensvang Hjelle og Julie Lepsøe Berge, to av dei nye frivillige på festivalen.

– Få ei oppleving i baren

Dei to jentene har allereie fått tildelt arbeidsoppgåvene sine.

– Vi skal stå i baren på fredagen. Det var det vi ønskte.

– Du kan skriva at vi lovar at publikum skal få ei oppleving i baren òg, ikkje berre framfor scenen, ler dei to.

– Kva synest de om artistane, då?

– Det blir veldig bra, spesielt med Morten Abel og Gabrielle.

Osfest går av stabelen 31. juli og 1. august.