- Det var kjempehøgt nivå
11 unge jenter frå Os kulturskule deltok i helga på UKM si landsmønstring i Trondheim. Dei fekk ei kjempeoppleving.
Dansarar frå Os kulturskule blei plukka ut saman med åtte andre innslag frå Hordaland til å delta på landsmønstringa i Ungdommens kulturmønstring.
- Konsertane, folka og heile stemninga var utruleg bra, strålar Kristianna Moberg vel heime frå ei strålande helg i Trondheim.
Konsertar og workshops
Dei 11 jentene, saman med instruktør Patricia Langeland hadde ei givande helg.
- Vi budde i Trondheim spektrum, var med på workshops på NOVA og framsyningar i Olavshallen.
SJÅ BILDER OG VIDEO FRÅ OLAVSHALLEN (UKM.no)
- I tillegg var det ein konsert på Solsiden nede ved elva med MGPjr, ein konsert på Dokkhuset og ein festkveld i Studentsamfunnet, strålar Kristianna.
Dei 11 jentene deltok med «Ghost» til musikk av Michael Jackson.
- Kva var det kjekkeste dykk opplevde i Trondheim?
- Det kjekkeste var at alle var så utadvendte og flinke, dirfor var det alltid noko å gjera.
- Konsertane, folka og heile stemninga var utruleg bra! Og ikkje minst å danse i Olavshallen framfor masse folk, smilar Kristianna.
Potensielle kjendisar
Landsmønstringa er ikkje ein konkurranse mellom deltakarane, men meir som ein festival.
- Premien for oss var å bli plukka ut frå lokalmønstringa til fylkesmønstringa og vidare til landsmønstringa, strålar den unge dansaren.
Ho fortel at nivået blandt dei andre deltakerane var kjempe høgt.
- Alle var utruleg flinke. Det er nok mange potensielle kjendisar som viste seg fram i helga, trur Kristianna.
Held fram med dansen
No tek dansejentene ei sommarpause.
- Vi har ikkje nokon plan om framsyning akkurat no, men vi skal nok ha noko til hausten/våren, avsluttar Kristianna Moberg frå Os kunst og kulturskule.
Desse var med frå Hordaland
Frå utstillinga: Tore Thiesen frå Kvam med Entertainer, Simen Børnes frå Sund med Stein 2, Amalie Marie Oldeide frå Fjell med elite.
Frå Rock: 4ADAMAS, Anna-Christin Eskeland, Emilie Forså, Frida Hallvorsen, Tuva Føyen
Frå klassisk: Janne Merete Melhus frå Lindås med Brand New, Tiril Einarsdottor frå Stord med Allemande frå Partita i dmoll, Deekey (Daniel Andersen og Kris Andre Drageset) frå Meland med Fattigdom.
Frå film: Sverre Kvamme frå Fusa med Pikachu slår alt.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.