Dødeleg vald fanga på film
Mannen som blei tatt av politiet 16. mai skal ha sparka og hoppa på ein mann som seinare døde av valden. Fleire vitne såg episoden, som også blei fanga av eit kamera på AMFI Os


Laurdag 17. mai granska politiet ei adresse i Os etter at han som bur der blei fengsla natta tii nasjonaldagen, sikta for vald.
Årsaka er ein valdsepisoden 10. mai, utført mot ein som døde 16. mai.
Den omkomne skal ha dødd av skader frå valden han blei utsett for, og den pågripne er ifølgje BT.no sikta for å ha påført den omkomne dødelege skadar.
Dei to er begge i midten av 30-åra og skal ha vore kameratar i fleire år.
Årsaka til slåstkampen skal vera at sikta meinte at den omkomne hadde stole noko i huset hans.
Fanga på film
Fleire vitne skal ha fortalt politiet at den omkomne blei utsett for fleire slag og spark, med vernesko, også medan han låg i bakken. Episoden skjedde i 20-tida laurdag 10. mai.
Delar av valdsepisoden blei fanga på film av overvakingskamera på AMFI Os.
Milten sprakk
Rettsmedisinarar har førebels konkludert med at mannen døde som følgje av indre blødningar, blødningar som oppsto då milten sprakk nokre dagar etter at han blei utsett for valden.
«Etter rettens syn er det meget sterk sannsynlighet for at disse skadene ble forårsaket av siktedes gjentatte spark mot fornærmedes overkropp» heiter det i kjennelsen i førre fengslingsmøte.
Sikta innrømmer å ha slått og sparka, men nektar for å ha hoppa på mannen medan han låg i bakken.