Ein mann i 20-åra frå Os vart nyleg dømt for truslar og hærverk. (Ill.foto: KVB)

Dømt for trugslar og hærverk

Erkjente seg skyldig i 3 av 8 tiltalepunkt.

Av: Kjetil Osablod Grønvigh

Ein mann i 20-åra frå Os sto i slutten av mars tiltalt for 8 punkt. Blant desse var vald og forlumeping av offentleg tenestemann, skremmande åtferd og skadeverk.

Ein onsdagskveld i april i fjor, då politiet skulle pågripa han for å ha tatt eit brannslukkingsapparat, sette han seg til motverge. Etter å ha fått handjern å seg, sparka han fleire gongar mot politiet.

To dagar seinare slo han ein tilsett i arresten i ansiktet.

To gongar i september året før gjorde han skadeverk på to ulike institusjonar, ved det eine tilfellet truga han òg to av dei tilsette.

Same månad blei han tatt to gongar på Amfisenteret på Os med knivar eller andre skarpe gjenstandar.

Mannen er òg i april i fjor, tatt med 28 ml av dopingmiddelet trenbolone.

Sa seg delvis skyldig

Han erkjente straffeskyld for trugslar og for å ha kasta spade, kniv og sparkesykkel mot to tilsette ved ein institusjon, og for å knusa ei verandadør på ein annan instistusjon, men ikkje for å gå med kniv på senteret utan aktverdig grunn, eller for å ha truga politiet.

12 vitne gav forklaring i retten.

Tiltalte, som er tidlegare dømt fleire gongar for liknande forhold, blei dømt til 6 månadar fengsel. 139 dagar varetekt kom til frådrag.

Fleire saker

  • Det vart høne i år òg ...

    19. april 2019

    Trass i lite snø vart det påskehøne - for niande året på rad - for familien Holdhus/ Vevle.

  • Påskeprat med Tove

    19. april 2019

    Fem kjappe spørsmål med Tove Tvedt Skarstein.

  • Maritas verd

    19. april 2019

    Marita Moe Sandven vart saman med Ole Amund Gjersvik headhunta til å spela under Festillene i Bergen - det er berre eitt av fleire prosjekt ho...

  • Undersøkte ulykkesstaden i natt

    19. april 2019

    Statens vegvesen og krimteknisk kopla inn grunna alvorlegheitsgraden av MC-ulykka i Industrivegen.

  • MC-ulykke i Industrivegen

    18. april 2019

    OPPDATERT: Motorsyklist henta av luftambulanse - skal ha køyrt inn i lyktestolpe.

  • Påskeprat med Eirik

    18. april 2019

    Fem kjappe spørsmål med Eirik Søfteland

  • Møkka tok straumen til 700

    18. april 2019

    Ein uheldig bonde på Bø kortslutta straumnettet - brannvesenet rykte ut og tok seg av vaskinga.

  • 700 utan straum i Os

    18. april 2019

    OPPDATERT: Klokka 12.30: Straumen tilbake for dei fleste - 57 kundar framleis utan straum. BKK melder om «driftsforstyrrelse»