Døydde etter fallulykke
Ein osing i 50-åra døydde etter fallulykke under arbeid i samband med Tyssetunellen i Samnanger.

Ulukka skjedde fredag førmiddag i samband med montering av ein rubbhall på eit anleggsområde i Sætervika i Sanmanger.
Mannen falt fire - fem meter ned frå ein lift, meldte politiet fredag.
Mannen blei frakta til Haukeland Universitetssjukehus med luftambulansen. Den første meldinga frå sjukehuset var at mannen var kritisk skadd. Han blei tatt under behandling, men livet sto ikkje til å redde. Mannen døydde av skadene laurdag.
Kollega vitne
BA.no skriv måndag at ein kollega som var saman med mannen i liften. Han skal ha stått med ryggen til den forulykka.
- Han såg i sidesynet at mannen fall. No har han det tøft, fortel Trond Erik Gundersen, administrerende direktør i W. Giertsen Hallsystem, firmaet som var leigd inn for å setta opp hallen.
Gundersen fortel at firmaet gjer det dei kan for å ta vare på familien til mannen, kollegaene og dei øvrige tilsette montørane i selskapet.
Arbeidstilsynet granskar
Lensmann Terje Kvalvik i Samnanger vil ikkje seie noko om kva som skjedde.
- Vi får koma attende til årsaka når Arbeidstilsynet har laga sin rapport. Det var òg eit vitne, som så vidt eg veit enno ikkje er formelt avhørt, sier lensmannen til BA.