Dramatisk derby

Med tre lag frå Os i same 7. divisjonsavdeling er det duka for tøffe lokaloppgjer. I går slo Nore Neset serieleiar Lysekloster.

Kjetil Vasby Bruarøytirsdag 02. juni 2009 13:06

- Det var kjekt å audmjuka lysefjordingane på deira eige kunstgras, seier norenesingen Paul Kristian Haldorsen om gårsdagen kamp.

Lysekloster leiar tabellen, og har ein stor og god stall. Morten Buvik, som var kaptein på Os 2 i fjor, er blant spelarane. Men då dei fekk besøk av Nore Neset 2. pinsedag, fekk dei nok i bryna seg på.

- Dei var kjekk i stilen før kampen, og spurte blant anna om vi ville låna spelarar av dei, fortel høgreving Haldorsen.

Gjestane i leiing
Heimelaget fekk fort svar på tiltale, Nore Neset sin Jørgen Nilsen sørgja for 1-0.

- Dei utlikna, men vi tok leiinga igjen med eit kanonskot av Johannes Brimsholm. Så auka vi til 3-1 ved Per Olav Strønen, fortel Haldorsen.

Lysefjorden reduserte, men klarte ikkje å utlikna fleire gongar. Dermed gjekk dei på sitt første tap denne sesongen.

Søfteland i neste runde
- I neste kamp møter Lysekloster Søfteland. Søftelendingane var og heia på oss i går, og vi håpar Lysekloster går på nok eit tap i neste derby.

Søfteland ligg på 2. plass med eitt poeng mindre enn Lysekloster med éin kamp mindre spelt. Nore Neset ligg på 4. plass.

SJÅ TABELL