Drange har det verst

Det er framleis nesten 400 utan straum i Os, over halvparten av desse bur i Lysefjorden og på Drange.

Skogrydding i Hegglandsdalen, der det er svært mange feil på linjene. (Foto: BKK Nett)
Kjetil Vasby Bruarøy
Kjetil Vasby Bruarøymandag 12. jan. 2015 10:02

Fleire fekk straumen tilbake søndag kveld, nokre av dei, i Hegglandsdalen, via eit større naudaggregat frå BKK Nett.

Lesarar frå Nordmarka har fortalt Midtsiden om halv spenning, at verken omnar, varmekablar eller komfyr virka.

Også i Hagavik skal det ha vore problem, der det har vore kopla inn to fasar, og at komfyr dermed ikkje virka.

– Vi har også fleire område som er heilt utan straum, seier Anne Mette Tuvin frå BKK Nett.

Desse er utan straum måndag (tal frå klokka 04.00 i natt):

• Søvik, Drange, Lysekloster: 228
• Søfteland, Nordmarka, Flaterås, Gåssand, Røykenes: 85
• Hegglandsdalen, Berge, Eidsbrekka, Moldadalen: 29
• Storum, Lepsøy: 27
• Granlia, Kuven, Ådnadalen, Ulven: 10

I tillegg kjenner vi til at fleire eller alle i Strøno er utan straum. Fleire, som Drange, har vore utan straum i snart to døgn.

– Kor tid kan folk rekna med å få straumen tilbake?

– Det er vanskeleg å seia, vi har veldig mange feil på linjene. Men vi har jobba for fullt frå klokka 7 i dag og har inn fleire eksterne, både samarbeid med andre nettselskap og private firma som bistår med skogrydding.

– Kva blir gjort for dei som har vore lenge utan straum. Kan dei for eksempel rekna med å få eit aggregat på plass i ettermiddag, om dei ikkje har fått straumen tilbake i løpet av dagen?

– Vi prioriterer område der det er fare for liv og helse. Elles er det også opp til kvar kommune å hjelpa innbyggarane sine.

Os kommune oppretta ein krisetelefon (915 68 590) i går.

Nokre få ringte inn, men det meste blei løyst per telefon.

I dag blir det gjort fleire tiltak.

– På Drange er det nokre eldre som har det veldig kaldt. Der er heimesjukepleien i sving og skal saman med pårørande finne løysingar for desse, seier varabrannsjef Arne Monsen.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.