Det hadde knapt gått ti sekund etter at Instebø, på overtid, kom på banen då det sto 6-0 til Lysekloster. (Foto: Kjetil Vasby Bruarøy)

Draumedebut av Instebø

Erlend O. Instebø hadde vore ti sekund på banen då han sikra 6-0-siger til Lysekloster.

image
image
image
image
image
image
image
Av: Kjetil Vasby Bruarøy

Lysekloster klatra i dag frå 4. plass til toppen av tabellen med solid 6-0-siger over Vardeneset, som låg på 3. plass. Før Brodd, som har spelt éin kamp meir, vann 5-1 over Fana då dei i ettermiddag spelte 6. runde.

– Vi har full kontroll defensivt, men eg skulle helst sett at vi skåra meir i forhold til sjansane vi skapte, seier Lysekloster-trenar Ruben Hetlevik.

– Vardeneset var overraskande svak motstand, truleg det svakaste vi har møtt i år, treningskampar inkludert.

Lysekloster leia 2-0 til pause og hadde ein serie med målsjansar før dei i 62. minutt fekk fart på sakene igjen.

Fin debut av Hadler-Olsen og Instebø

To av dei unge talenta Lysekloster har hatt med seg i vinter, Lars Hadler-Olsen (frå 77. minutt) og Erlend O. Instebø (frå 90.), fekk debuten sin i dag.

– Begge leverte godkjent. Lars var stødig i forsvar og Erlend sørgja for 6-0-skåring på første touch på ballen i 3. divisjon.

Skåringa blei rett nok bokført som sjølvmål av Vardeneset, men innlegget av Instebø var så vidt borti motstandar før det landa i nota.

Lysekloster - Vardeneset 6-0 (2-0)
Målskårarar, Lysekloster: André Matos, Stian Dyngeland, Vladan Radojkic, Mats Walberg og sjølvmål (framprovosert av Erlend O. Instebø).
Fleire kampfakta på fotball.no

Neste heimekamp for Lysekloster blir toppkamp mot Brodd 2. juni, men først ventar to bortekampar (Brann 2 og Tertnes).

Tabell og terminliste

Fleire saker

  • Fekk mykje å jubla over

    22. juli 2018

    Lysekloster starta svakt mot Stord, men så slo den etterkvart berømte ketsjupeffekten inn.

  • Gøymde seg på taket

    22. juli 2018

    Oppdatert: To menn i 20-åra tok seg opp på taket på Hamnechefen. Den eine prøvde å gøyma seg for politiet då dei kom. Eigaren fann narkotika.

  • Tre har mista lappen på kort tid

    22. juli 2018

    Torsdag tok politiet for tredje gang på kort tid beslag i eit førarkort ved den nye Spar-butikken på Kloppamyra.

  • Tok skilta til gjengangar

    21. juli 2018

    Politiet klipte skilta på ein bil i Hegglandsdalen laurdag då føraren fleire ganger hadde køyrd utan lov.

  • Her blir podtellet levert

    21. juli 2018

    Bildeserie: No kan du overnatte i hamna uten å bli sjøsjuk av bølgene. – Eg reknar med at vi opnar måndag, seier Hans Parnefält.

  • Villaksen har «stempla inn» i fjorden

    21. juli 2018

    Lyttebøyar i fjorden avslører smolten frå Oselvo si vandring. 

  • Tørke, mattryggleik og jordvern

    21. juli 2018

    Lesarinnlegg: Tørkekrisa viser til fulle kvifor det er viktig å verna om matjorda vår, skriv Gisle Hesjedal.

  • – Blei dårleg då eg såg det

    20. juli 2018

    Kommunen ber foreldre og "nabokjerringa" halde auge med og sjekke leikeplassen før dei sender ungane dit.