Dreg ifrå
Oselvaren leiar no nasjonalbåtkåringa med ei halv båtlengd på åfjordsbåten.


Dei siste vekene har oselvaren og åfjordsbåten bytt på å leia avstemminga i konkurransen om å bli Noregs nasjonalbåt.
Den eine kvelden i førre veke leia oselvaren med berre 5 stemmer, men no er leiinga på 839 stemmer.
Likevel bør ikkje dei som vil ha oselvaren til nasjonalbåt legga årene inn, for åfjord-gjengen har mobilisert før, og det er om lag ein månad igjen til konkurransen skal avgjerast, 17. august.
Det er 10 nominerte i kåringa, her stemmene dei har fått til no:
Oselvar: 8154
Åfjordsbåt: 7351
Nordlandsbåt: 2430
Nordmørsgeit: 302
Colin Archers skøyte: 145
Sjekta/snekka: 37
Hurtigruta: 29
Redningsskøyte: 20
Vikingskipa: 16
Jekta: 9
Her kan du sjå oppdaterte resultat og korleis du kan stemma.