DWRYAN i Hvelvet - Hagesæther på Vedholmen

Kwestan Jamal Bawan kom som politisk flyktning til Norge i 1998 - på laurdag opnar ho utstillinga «DWRYAN» i Oseana.

Anne Kristin Hagesæther er biletkunstnar med en Master of Arts fra England - på laurdag opnar ho utstillinga «Nå er vi her» på Vedholmen Galleri.

DWRYAN

Det kurdiske ordet «dwryan» betyr «kryssande stiar» på norsk, og er ein oppsummerande tittel for utstillinga til Bawan.

Kwestan Jamal Bawan kom til Noreg som politisk flyktning fra irakisk Kurdistan i 1998. Hennar utforsking av landskap og terreng, gjennom personlege opplevingar og vandringar, både i Noreg og andre land, har blitt nedfelt i storslagne måleri, som for mange er abstrakte ved første augekast.

Kwestan Jamal Bawan har diplom i kunst frå Sulaymania Institute of Fine Art Kurdistan (1985) og mastergrad ved Kunsthøgskulen i Bergen i 2009. Ho har vore representert ved ei rekkje gruppeutstillingar nasjonalt og internasjonalt.

På opninga på laurdag blir det òg samtale mellom kunstnaren og Malin Barth, direktør ved Kunsthall 3,14 i Bergen. Barth har arbeida tett med Kwestan ved fleire høve, og har ei djup kjennskap til, og forståing av hennar kunstnarskap.

Nå er vi her - på Vedholmen

Vedholmen Galleri opnar sesongen med Oslo-baserte Anne Kristin Hagesæther.

Kunstnaren har fleire stor utstillingar bak seg, og er inspirert av stadar ho har vore eller passert, malt i uventa fargekombinasjonar og storleikshøve, som ei blanding av abstraksjon og kjennbare element. Motiva til Hagesæther kan gje assosiasjonar til nærleik, samhald, einsemd, eller at det er «stille før stormen.»

På opninga speler den unge gitaristen Manar Alhashemi. Han er utdanna på konservatoriet i Holmes/ Syria innan klassisk- og folkemusikk.

Alhashemi jobbar og er busett i Os.