Lokal | 15. nov. 2019

Dysvik doblar

Etter tre år i Brugata ekspanderer klesbutikken med outlet i nabolokala.

Dysvik doblar
Klare for å opna ny butikk. Kay-Andrè og Tanya Dysvik doblar arealet i morgon. (Foto: Kjetil Osablod Grønvigh) 
Kjetil Osablod Grønvigh
Kjetil Osablod Grønvighfredag 15. nov. 2019 10:00

Bildeserie:

Og med eige fotostudio. (Foto: KOG)
Og med eige fotostudio. (Foto: KOG)
Den nye butikken vert ein outlet.  (Foto: KOG)
Den nye butikken vert ein outlet. (Foto: KOG)
Opninga vert feira med gratis fotografering, sminkekurs og minikonsert.  (Foto: KOG)
Opninga vert feira med gratis fotografering, sminkekurs og minikonsert. (Foto: KOG)
Dysvik Outlet.  (Foto: KOG)
Dysvik Outlet. (Foto: KOG)
1 av 4
Og med eige fotostudio. (Foto: KOG)
Den nye butikken vert ein outlet.  (Foto: KOG)
Opninga vert feira med gratis fotografering, sminkekurs og minikonsert.  (Foto: KOG)
Dysvik Outlet.  (Foto: KOG)

I oktober 2016 vart det kjend at ekteparet Tanya og Kay André Dysvik skulle opna klesbutikk i lokala som i starten på 90-talet husa butikken Chins.

Tanya hadde jobba i foreldra sin motebutikk heime i Ukraina. I 2011 flytta ho til Noreg og jobba med danske interiørvarer på butikken Illums Boligus i Bergen.

I 2018 trappa dei opp, og sidan opninga har det vore intimt moteshow og samarbeid med andre butikkar i Brugata.

Satsar gjennom veggen

Tanya og Kay-André fortel at dei lenge har ønskt seg meir plass, spesielt lagerplass.

Dei tek sjølv mykje bilde og video i samband med profileringa av butikken, men har til no mangla ein eigna plass å gjera fotoshootane. Då nabolokalet blei ledig valde dei å satsa vidare - gjennom veggen.

– No har vi nye 100 kvadratmeter å boltra oss på, og ikkje minst har vi fått den naudsynte plassen til å ta skikkelege bilde.

Når mannen får vera sjef

Tanya og Kay-André er nesten samd om at den «outleten» er mest Kay-André sitt prosjekt.

– Jo, her inne er det eg som skal få bestemma vareutvalet, seier Kay-André og ler. Her får eg selja varer som eg ikkje får lov til å ha inne hos Tanya.

Spøk til side, den nye butikken er ein del av Dysvik Clothing, men du vil ikkje finna dei same varene i begge butikkane.

– I outleten vil vi selja «samples» frå prøverom, varer som er gått ut frå sortiment, og vidare varer som er spesielt vald ut til å seljast her, legg Tanya til. For å reindyrka outletkonseptet kjem vi til å prisa varene i fem ulike nivå.

Spennande gate

Tanya og Kay-André seier at kjensla er god etter tre år med butikk i Os sentrum.

– Butikken går bra, og i tillegg til at vi begge jobbar heiltid her, har vi tre-fire personar som jobbar deltid for oss.

Begge ser på Brugata som ei spennanda gate for framtida.

– Når det omfattande byggearbeidet i gata etterkvart er ferdig, trur eg at gata verkeleg kan få visa potensialet sitt, seier Kay-André.

– At peparkakebygda skal reisast i dei gamle lokala til apoteket i desember er sjølvsagt noko vi ser fram til. Dette vil jo gjera til at endå fleire tek turen til Brugata.

Fest med konsert, foto og sminke

Morgondagens bursdag- og opningfest startar med gratis fotografering.

– Linda-Mertehe Dysvik kjem for å fotografera dei som kanskje treng eit nytt familiebilde på veggen, eller kanskje bilde til eit julekort, seier Tanya.

– På sikt ser vi no faktisk på moglegheitene for å kunna tilby fotografering her i butikken, legg Kay-André til. Vi har jo utstyret, så kvifor ikkje nytta høvet til å til dømes kunna tilby passfoto-fotografering?

Festen held fram med sminkekurs frå Vita før det heile vert avslutta med minikonsert med Martine.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.