E39 var stengt for høge bilar

Måndag klokka 20.02 meldte Vegtrafikksentralen om stengt E39 for køyretøy med over 2,5 meters høgde.

Årsaka var at ein kabel som kryssar vegen, brått hang knappe tre meter over asfalten.

Det oppsto kø begge vegar, men politi og BKK kom raskt til staden.

– Det viste seg å vera ein telefon- eller datakabel. Vi har kappa den, seier operatøren frå BKK Nett.

Vegen opna igjen før klokka 20.30.

Det er uvisst kva som er årsaka, og kva leverandør sin kabel som er øydelagt, og om dette har råka internett eller TV hos adresser i området.