– Eg fattar det ikkje
Svein Henning Rafdal, som fyller 50 år i dag, forstår ikkje korleis dei innelåste bilane hans blei loppa for 650 liter diesel.
– Det blei litt av ein bursdagspresang dette her! fortviler Svein Henning Rafdal.
Rafdal leiger seg ut til Sunnhordland Interkommunale Miljøverk, som har transport mellom gjenvinningsstasjonane til Bir.
Måndag morgon, på 50-årsdagen hans, merka han at to av bilane hans har blitt tømt for diesel.
– Mange kanner å bera
– Begge har stått innelåst på anlegget til Bir, så om dei har gjort dette manuelt så har det blitt mange kanner å bera.
– Eventuelt har dei kjørt inntil gjerdet med ein annan bil og brukt ein lang slange.
Håper dei er filma
Den eine bilen var tanka opp før den blei parkert fredag ettermiddag. I dag måtte 50-åringen fylla nye 450 liter på tanken. Den andre blei loppa for 200-300 liter.
Rafdal seier dette er reint tap av nesten 10.000 kroner i diesel. No håper han at tips kan føra til oppklaring eller at overvakingskameraet har fanga noko som gjev politiet gode nok spor.