- Eg treng ikkje hjelp..

Os røde kors hjelpekorps er på plass utanfor Oseana for å ta seg det som eventuelt skjer i tilknytning til blues og jazzfestivalen.

- Førebels har det gått rolig, pent og pyntlig for seg, fortel leiar Kjetil Hegglid.

Han leiar eit mannskap på 11 som skal passa på festivalgjestane når dei er utanfor huset.

- Arrangørane har eigne folk som tek seg av det som skjer innandørs, men vi trår sjølvsagt til om det blir naudsynt.

Tre dagar på vakt

Hjelpekorpset har vore på plass alle dei tre dagane festivalen har pågått.

- På Vamp-konserten hadde vi òg nokre som var inne, men dei to siste dagane har vi holdt auge med terrassen, båthamna og området ned mot sjøen, fortel Hegglid.

Os røde kors har ikkje eigen båt for sjøredning.

- Difor har vi med oss ein mann og båt frå hjelpekorpset på Osterøy.

- Fell nokon i sjøen skal vi raskt vera på plass for å plukke dei oppatt, forsikrar Hegglid.

Lite korps

Hjelpekorpset i Os teljer omlag 15 aktive medlemmar.

- I løpet av desse tre dagane har alle vore i sving, så du må gjerne skriva at vi tek i mot fleire folk.

- Vi kjem til å ha stand på marknadsdagane, reklamerar Kjetil Hegglid.