Lokal | 09. juni 2017
– Eg ville unngå å køyra på ein katt
Ein bil hamna inn i ein hage i Midtskogvegen.
Kjetil Vasby Bruarøyfredag 09. juni 2017 12:35
Litt før klokka 12 fredag hamna ein bil delvis inn i ein hage i Midtskogvegen.
Då Midtsiden kom til staden var bilførar ved bilen.
– Det var anten dette eller å køyra på ein katt, fortel han.
Katten kom seg heilskinna frå episoden mens bilen står fast.
– Det er bilberging på veg. Politiet er også tilkalla, så dei får sjå at eg er edru.
Bilførar seier han føler seg heldig.
– Katten blei berga og eigar av hagen var forståelsesfull og kjempehyggeleg. Eg har til og med fått kaffi, seier han og ler.