– Ei fantastisk tid

I desember 2012 blei det kjent at ABO Plan & Arkitektur AS har kjøpt det 500 kvadratmeter store lokalet i Vindu mot fjorden.

Lokalet, kjent som "Visningssenteret", blei selt frå Os kommune for 9,3 millionar kroner.

Les òg: "Visningssenteret" er selt og Vil bygga eit kompetansehus

Takkar ordføraren

Midten av mars er siste frist for dei ni kunstnarane knytta til Galleri YRiOs.

– Dette lokalet er jo ideelt. Eg trur vi blir husokkupantar, sa kunstnar og den gong eigedomsforvaltar i Os kommune, Kari Fjeldstad under opninga av YriOs i juni 2009.

Les òg: Sensuelle Yr

Kunstnarane er takksame for tida dei har fått i Visningssenteret.

- Eg skreiv til ordførar Terje Søviknes og takka han for dei flotte tre åra og åtte månadane vi har fått i Visningssenteret, fortel kunstnar Jarl-Hugo Låstad.

- Og så ønska eg han lykke til med salet.

Tida som kunstnar i Visningssenteret skildrar han med eitt ord: Fantastisk!

Veien vidare

Kunstnarane i Galleri YRiOs har halde møte og det ser ut som alle ni ønskjer å halda fram med felles utstiling.

- Kvar vi kjem til å halde til er enno usikkert, seier Låstad, som blant anna har hatt ein stor avdukingsseremoni av portrett av trommeslagaren Magne Lunde i YriOs.

Les òg: Sur og konsentrert

I neste veke skal tre representantar frå Galleri YRiOs i møte med Os kommune for å høyra om kommunen har lokale kunstnarane kan flytta til.