– Ein alvorleg situasjon
Orkanen Dagmar verre enn stormen Berit: Mange er utan straum, og det kan ta tid før dei får den igjen.


– Det er ganske alvorleg. Akkurat no har vi ikkje oversikt, men vi har full mannskap ute i felten og har kalla inn ekstramannaskap, seier Anne Mette Tuvin frå BKK Nett.
I Os har Midtsiden fått beskjed om at straumen forsvann i Hagavik i løpet av natta.
OPPDATERT: Også Søre Øyane, Strøno og Drange er heilt eller delvis utan straum.
I tillegg opplyser Tuvin at blant anna Samnanger, Masfjorden, Gulen, Nordhordland og heile Øygarden er utan straum.
– Førebels har vi ikkje oversikt over alle områda. Nettsida vår er heller ikkje oppdatert. Men vi vil jobba med å få ut detaljert informasjon i løpet av dagen.
Orkanen Dagmar har sørgja for at tre har velta over linjer og faser har klappa saman.
OPPDATERT: Ei av årsakene til den omfattande mengda straumbrot kan vera at det er ei stor mengde salt i lufta etter orkanen.
– Er situasjonen verre enn etter stormen Berit i slutten av november?
– Situasjonen er alvorleg og verre enn den har vore på fleire år.
– Dei som er utan straum kan førebu seg på å vera det ei stund. Heldigvis er temperaturen på vår side, så belastinga på nettet ikkje er så stort.
– Men vi har kalla inn ekstra folk i beredskap, det er venta kraftig vind igjen til kvelden.