Lokal | 19. okt. 2009

Ein av to er tatt

Ein mann blei tatt av politiet i Rolvsvåg i formiddag. Politiet jaktar framleis etter han som stakk frå Strøno i båt.

Ein av to er tatt
Kjetil Vasby Bruarøy
Kjetil Vasby Bruarøymåndag 19. okt. 2009 14:00

Eit vitne fortel til Midtsiden.no at to menn cruisa rundt på fjorden utanfor industriområdet i Rolvsvåg sundag kveld.

Seinare om kvelden var det innbrot i eit industrilokale like ved, og klokka 00.45 krasja ein mann i politibilen før han stakk mot Os. Det viser seg at bilen var stolen i Rolvsvåg.

- Vi fekk melding om mistenkeleg åtferd og rykte ut. På staden ville vi kontrollerar føraren av ein bil, men han krasja i bilen og stakk.

- Vi såg ikkje om han stakk mot Os eller mot Samanger, så vi sjekka på staden og fann ut at det hadde vore innbrot, fortel politioverbetjent Andor Helgheim frå Kvam lensmannskontor til Midtsiden.no om episoden i natt.

Tatt i Rolvsvåg
Mannen som stakk frå staden har truleg kjørt frå Sørstrøno i stolen båt, medan ein annan mann blei pågripe i Rolvsvåg i dag. Måndag fekk nemleg politiet melding om annan aktivitet i same område. Ein mann i 30-åra er tatt.

- Vi fann gjenstandar i lastebilen hans som stammar frå innbrotet i natt, seier Helgheim.

Helgheim stadfestar at mannen hadde ein kvit lastebil, men vil ikkje kommentera om det sto ein stor speedbåt på lasteplanet. Han vil heller ikkje seia noko om mannen som er tatt var i natt var i selskap med han som stakk frå staden i bil.

Tom for diesel
Vitnet Midtsiden.no har snakka med, fortel at to personar styrte mykje med å få båten opp på lastebilen sundag kveld.

- Dei må ha hatt heile lastebilen ut i sjøen for å få det der til. Dei har truleg gått tom for både diesel og idear, for det var diesel dei hadde stole då dei gjorde innbrot hos ei bedrift like ved, fortel vitnet.

Stakk til Lepsøy
Politiet i Os fekk melding om å sjå etter bilen. Dei fann den i Os sentrum, men føraren var framleis lite interessert i å snakka med politiet.

- Han stakk frå staden og vi la oss på hjul etter. I Strøno var han ut i sjøen til livet då han sprang frå politiet og inn i skogen, fortel lensmann i Os, Rasmus Dalen.

Politiet sette opp kontrollpost i enden av Strønebrua. Så kom melding om stolen båt i Sørstrøno.

- Båten er funnen igjen på Lepsøy og søket i Strøno er avslutta. Vi gjorde søk på Lepsøy òg, men også dette er no avslutta, fortel Dalen.

- Om nokon har observert noko på Lepsøy som kan ha med saka å gjera så er vi takksam om dei tar kontakt. Litt av årsaka til at vi har gjort ein så stor innsats i søket er at vi var uroa for at mannen låg kald og forkomen ein plass, men no ser det i alle fall ut som om han har klart seg.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.