– Ein godt bevart løyndom?
– Er vi Bergensregionens best bevarte løyndom for turistane? undrar Lars Atle Skorpen (Ap).
I formannskapet tysdag tok Lars Atle Skorpen opp spørsmålet om kommunen trengde ein eigen marknadsføringsstrategi.
Bakgrunnen for spørsmålet var at eit av medlemma hadde vore på turistinformasjonen i Bergen, kor kun ein rollup med Lysøen var å finna.
- Ellers var det tynt, så vi kan vel ikkje seie at vi har ein spesiell offensiv rolle i dette.
- Kan vi få ein sak i forhold til ein markedsføringsstrategi og ta oppatt tråden frå det reiselivssamarbeidet som var tidlegare? spurte Skorpen.
Bjørnefjordsamarbeid?
Ordførar Terje Søviknes (Frp) var ikkje framand for å koma med ein slik sak.
- Det har allereie vore nokre små diskusjonar med Fusa og Samanger. Dei slit nok litt med det same.
- Kanskje skal vi ta med regionalt samarbeid anten i den retningen eller i retning Bergen, kor dei allereie gjer eit godt arbeid.
- Det er same kor du er på Bergenshalvøya, meinte Søviknes som lova å kome tilbake med eigen sak.