Ein inneklemt dag med sol og nysnø
Det snør i alpinanlegga nærmast Os. Før ei veke med nedbør, er det i morgon meldt sol og vindstille.
Mildvêr har lagt ein dempar på skisesongen så langt, frå svært tidleg opning på Voss til snø som har smelta vekk i dei fleste bakkane nærmaste Os og Bergen.
I Eikedalen og Furedalen har det til no berre vore barnetrekka som har vore opne. I dag er desse stengt, men det snør i fjellet i dag, og begge håper på opning i morgon.
Søndag er det nemleg meldt nesten skyfri himmel og berre 1-2 m/s vind!
I fjellet skal det bli 2 minusgradar, i låglandet i Os 2-3 plussgradar. Frå måndag og ut veka er det meldt nedbør kvar dag, men sol og fint midt på dagen onsdag.
Voss og Myrkdalen er godt i gang
Voss Resort har i dag alle heisane, med unntak av to, opne. Dei har i dag publisert ein video som viser at det snør tunge flak på Slettafjellet.
Nedste del av Bavallen har transportløyper til heisane, mens bakkane lengre oppe i terrenget har betre forhold.
I Myrkdalen kom det 10 cm snø fredag og meir i dag. Der er alle heisar og nedfarter opne.
Spennande? Vil du ha ukas høgdepunkt i innboksen?
Les meir om