– Vi kom for å sjå Tone, Morten og Eirik! seier Kristin Hjartåker og Julie Moberg Andersen. (Foto: Kjetil Vasby Bruarøy)

Ein lang suksesskveld for Osfest

Bildeserie frå laurdag: Popkongen Morten Abel, kraftfulle Staut og allmektige Eirik Søfteland spelte for full grusbane.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Osfest-laurdagen må ha blitt ein stor suksess for både arrangørar og gjestar!

Folk kom tidlegare. Tone Damli lokka nokre hundre på plass før Morten Abel såg ut til å få endå større publikum enn det Stavangerkameratene hadde i 21-tida kvelden før.Fredag var det over 1200 inne på området før klokka var 21.30.

Då Staut gjekk på scenen var endå fleire kome seg til festivalområdet, og sjølv om Eirik Strønen Søfteland med band entra scenen så seint som 00.30, var det lite lekkasje til taxikø og nattklubb.

Ei god oppleving

Fredagen hadde best førehandssal, men med sol heile laurdag var nok mange kome i stemning for konsert og fest i løpet dagen.

Like viktig; folk såg ut til å storkosa seg, artistane leverte og begge festivalkveldane gjekk for seg utan at politiet har notert noko tull i loggen. Ikkje verst, med så mange på fest på same stad.

Festivalen starta tidleg, men godt. Vanja V og Endre Nordvik hadde fortent eit større publikum, men leverte som om grusen var full og gav dei første publikummarane ein god start på ein lang kveld.

Midtsiden kjem tilbake med meir om kvar av konsertane - og tal - når desse er klare.

Fleire saker