Torgfesten på Øyro laurdag kan ikkje kallast anna enn ein sukess. Allereie då Vivillain gjekk på scenen klokka 18 var det godt med folk og stor stemning, og den berre steig utover kvelden.
– Dette er jo nett som å vera i syden, eller på Aker brygge ein fin sommarkveld. Høyr på den stemninga, var ein av kommentarane Midtsiden fekk då vi rusla rundt på torget.
At folk koste seg i finvêret med god musikk frå Vivillain, ORBO, Håvard Skaatun, Gina Aspenes og Undercover er det liten tvil om, sjølv om kveldens store høgdepunkt var comebacket til The Untouchabl(u)es.
Her kan du sjå utdrag av konserten deira.
Gina Aspenes retta takken på vegne av osingane dit den skulle.
– Gje den største applausen til Olav, Eirik og dei andre som har stelt i stand denne festen her. oppfordra ho til rungande respoons.
