Lokal | 30. apr. 2016

Einvegstrafikk på E39 i Os

Lesarinnlegg frå vegvesenet: Å stenga retning nord er heilt klart den løysinga som totalt sett vil gje minst ulempe for trafikantane.

Einvegstrafikk på E39 i Os
Frå søndag kveld ved midnatt skal trafikken i retning nord om Os sentrum. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 30. apr. 2016 07:12

Ved midnatt natt til måndag 2. mai blir E39 stengt retning nord frå Moberg til Svegatjørn. På bakgrunn av omtale, spørsmål og kommentarar som har vore i media dei siste vekene inn mot stenginga har byggeleiar for E39 Svegatjørn-Rådal Kari Bremnes sendt oss dette lesarinnlegget:

Statens vegvesen hadde ope møte om E39 Svegatjørn-Rådal i Oseana sist haust, før byggestart i Os kommune. Ingen av dei mange frammøtte hadde spørsmål eller merknadar til stengeretninga på E39 i fire månadar. Det kom kommentar på kø for å koma seg ut frå kommunalt vegnett til fv.552 gjennom sentrum.

Lengre køyretid – uansett retning

Uansett stengeretning vil det ta lengre tid å køyre strekninga frå 2. mai. Anleggsarbeidet på E39 mellom Tøsdalsskiftet og Ulvenvatnet krev at vi må stenga eine køyrefeltet for å få gravd og sprengt stor nok plass til kommunal VA-leidning, samt røyr for overflatevatn og spillvatn her.

Statens vegvesen har fått utarbeidd ein trafikk-rapport for finne beste løysinga på utfordringa med stenging av E39. Her ser ein det totale trafikkbiletet i Os, inkludert stenginga av fv.160 Ulvenvegen og omkøyring gjennom Industrivegen.

Færre luker motsett retning

Når det er fleire som nyttar seg av Indsutrivegen, blir det færre tidsluker for trafikk på E39 som kjem sørfrå i Tøsdalsskiftet. I rusjperiodar vil trafikkavviklinga på denne armen forverra seg, og danna kø tilbake mot Svegatjørn.

Berekningar viser at denne kø-oppbygginga vil bli betydeleg. Løysinga er dermed fråråda i nemnde trafikkanalyse.

Den valde einvegskøyringa i retning Halhjem er den løysinga som vil gje minst konflikt mellom trafikkstraumane.

Trafikken nordover om Osøyro kunne bli forseinka nokre minutt i rusjperiodar, men er vurdert til å fungere tilfredsstillande. Berekningar viser at dette heilt klart er den løysinga som totalt sett vil gje minst ulempe for trafikantane.

Best ned bakken

Tungtrafikken ville dessutan ha køyrd saktare opp Mobergsbakken, og ville lagd ekstra kø for trafikk bak.

Mykje av trafikken opp den lange bakken skulle rekke neste ferje frå Halhjem, om denne løsyinga skulle bli vald.

Lettare då for trafikk som er på veg nordover frå Halhjem – om dei brukar ekstra køyretid via fv.552 gjennom Os.

Uprøvd løysing

Stenginga og einvegskøyringa på E39 mellom Tøsdalsskiftet og Moberg har ikkje vore prøvd etter at E39 Moberg-Svegatjørn blei opna for trafikk i 2005. Også Statens vegvesen er spent på avviklinga av trafikken i perioden.

Vi vil følgje utviklinga nøye og vurdere denne undervegs.

Omsynet til trygg trafikkavvikling er viktigast. Difor kjem det farsthump og blir nytta trafikkvakter ved to fotgjengarfelt i Mobergsbakken (skuleveg).

Så vonar vi at osingar og andre kan bere over med at køyretida blir noko lengre desse fire månadene.

Kari Bremnes
Byggjeleiar i Statens vegvesen

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.