– Eit anstendig tap

Bildeserie:

1 av 10

Søre Neset sakna Anders Kinden, Emilis, Ørjan Bakke og Kenneth Hufthammer i toppkampen mot Lysekloster i går.

– Dette var eit akseptabelt tap. Lysekloster har tatt store steg frå i vår, dette held topp 3 i 4. divisjon, meiner Søre Neset-trenar Morten Øvrebø etter gårsdagens toppkamp i 5. divisjon.

– I vår var vi med i heile kampen, i dag var vi ikkje. Lysekloster gjev frå seg ein del rom, men når vi slurvar så mykje når vi har ballen i laget så blir det skapt for lite.

Søre Neset ligg framleis på 2. plass på tabellen og gav ikkje frå seg for mange baklengsmål mot suverene Lysekloster.

Lysekloster - Os 3-0 (1-0)
Mål: Thomas Sandal, Andreas Fosse og Morten Buvik (straffe).

– Dette var halvvegs. Her mangla mykje konsentrasjon framfor mål i dag, meiner Lysekloster-trenar Ørjan Sandal.

Lysekloster hadde eitt stolpeskot og mange store sjansar, med gode avslutningar på mål og fleire innlegg som fekk susa forbi boksen utan at nokon trampa den i nota. Anders Kloven hadde også fleire fine redningar.

Skåringane kom på innlegg i 13. minutt, heading på første stolpe på corner 20 sekund ut i 2. omgang og straffe i 84. minutt.

Den største sjansen til Søre Neset var Torbjørn Hjelle sitt frispark mot krysset til Lysekloster i 77. minutt.

Tim Henrik i raudt

I 2009 skåra Tim Henrik Sperrevik 20 mål for Os i 3. divisjon, etter nedrykket frå 2. divisjon i 2010 la han opp. I år trener han juniorlaget til Os, i går debuterte han som spelar for Søre Neset.

– Sidan mange av dei eg trener er spelarar på Os 2 kan det vera greit for meg å halda meg vekke. Då Søre Neset, som består av mange tidlegare lagkameratar og har bane nokre hundre meter frå huset mitt, spørte om eg ville vera med dei litt i haust, så takka eg ja, seier Tim.

Han kom innpå saman med Tore Kinden knappe 20 minutt ut i 2. omgang. Kort tid etter starta ein periode på nesten 10 minutt der Søre Neset såg ut til å redusera 2-0-leiinga.

Nesten sikra opprykk

Med søndagens siger er Lysekloster med 43 poeng éin siger frå å vera 100 prosent sikra opprykk.

Søre Neset ligg på 2. plass med 28 poeng, på dei neste plassane finn vi Rosendal og Sold, begge med 26 poeng.

SJÅ TABELL