Eit godt innhopp

Erik Kanestrøm og innbytar Espen Valvik skåra to mål kvar i Os 2 sin siste kamp før sommaren. Men fire mål var ikkje nok.

Kjetil Vasby Bruarøytirsdag 30. juni 2009 08:01

- Vi spelte fint og sette sjansane, men gav vekk for mange mål til å vinna over Loddefjord, seier trenar Tore Nielsen.

Fire av dei fem måla til heimelaget kom etter personlege feil i Os 2-forsvaret.

- Det er litt synd å ikkje vinna slike kampar, men det er heldigvis berre seks poeng opp til toppen, så vi har framleis sjanse til å koma oss til toppen av tabellen, seier Nielsen.

- Unikt talent
Loddefjord skåra det første målet i 21. minutt, dei to neste i 28. og 30. minutt.

- Erik Kanestrøm held fram med å imponera. I 45. minutt reduserte han ved å heada inn eit flott innlegg.

- Kanestrøm har ein utruleg fart og teknikk, eg kan ikkje hugsa å ha trent liknande spelar sidan eg trente Brann-spelar Knut Walde i Trane. Ikkje det at dei liknar i stil, men den gutsen og det nivået på ein 16-åring skal du leita lenge etter, seier Nielsen.

Godt innhopp
I 60. minutt auka Loddefjord til 4-1, på ei kanonkule av eit skot. Men Espen Valvik, som kom innpå i 72. minutt, reduserte.

- I 60. minutt fekk heimelaget ei ny gåve frå oss, men vi klarte å pynta på 5-2 til sluttresultatet 5-4.

Os 2 fekk nemleg straffe etter at Ramo hadde blitt heldt. Kanestrøm sette straffen i 89. minutt. Espen Valvik putta siste i 90. minutt.

- Vi styrte denne kampen, der Kanestrøm imponerte, Valvik gjorde eit godt innhopp og Espen Kopperud spelte frå start for første gong. Kopperud klarte seg veldig bra og spelte heile kampen. No ser vi fram til nokre veker ferie før haustsesong og klatreing på tabellen, seier Tore Nielsen.

SJÅ TABELL

Desse spelte frå start: Anders S. Strønen, Martin Eidsvik, Vegard Borgen, Dani Bergstø, Mats Lepsøe, Preben Borgen, Christian Almeland, Erik Kanestrøm, Christer Olsen, Ramo Racic og Espen Kopperud.

Byte: Kristoffer Sande for Vegard Borgen (45), Espen Valvik for Olsen (72) og Daniel Vevatne for Preben Borgen (75).