– Eit ran

Os starta hausten på topp av tabellen, med berre eitt tap (borte mot Stord 2. juni). Hausten har starta med uavgjort, siger og tre tap på rad, alle for botnlaga i avdelinga.

– Vi har sikkert 90-10 i ballbesittelse, men har for lite fart og for dårleg timing i angrepa. Måla som kom imot var nokre lusamål, meiner Tore Valvik.

Skjold - Os 2-1 (0-1)

Erik Kanestrøm gjorde som han gjorde heime mot Skjold, gav Os 1-0-leiing.

– Vi hadde kontroll ut omgangen og starta også andre omgang høgt på banen.

– Men så fekk Skjold ein straffe dei ikkje skulle hatt. Og seinare, då vi jakta skåring med 9 mann høgt på banen, og mista ballen i farleg posisjon, fekk vi ei kontring som gav heimelaget full pott.

Valvik seier innsatsen og spelet var langt betre enn i førre runde, då Os tapte 2-3 heime for Avaldsnes.

– Har mista gløden

– Likevel er det noko som ikkje stemmer, det er som om vi mista gløden litt etter den svake starten på hausten og luka opp til Arna-Bjørnar og Haugesund 2 blei så stor.

Arna-Bjørnar, som Os møter borte neste helg, gav også vekk poeng i denne runden. Dei spelte 1-1 borte mot Tertnes. At Stord tapte 3-2 borte for Åkra og Bjarg 0-1 heime for Kopervik er også positivt for Os.

Arna-Bjørnar toppar tabellen med 41 poeng, Haugesund 2 har 39 med éin kamp mindre spelt. Os ligg på 3. plass med 32 poeng, Stord på plassen bak med like mange poeng.

Sjå tabell og terminliste