Eit trist syn
Onsdag kveld flaut daycruiseren som ein kork, torsdag morgon hang den i stroppane.


Natt til torsdag hamna ein Bayliner 652 under vatn.
- I 22.30-tida onsdag låg båten fint. Eig beit ikkje kva som har skjedd, seier båteigaren om det triste synet som møtte han torsdag formiddag.
Båten låg i marinaen båtbutikken Sjø & Fritid brukar, i moloen på Steinneset i Os sentrum, og det var tilsette ved båtbutikken som varsla eigaren.
Kva som er årsaka er førebels uvisst. Det regna tungt torsdag morgon, og sjøen sto på, også rundt moloen der flytebrygga ligg.
Båten har sjølvlens, men det hender at desse sviktar, eller at vatn tar seg inn i staden for ut når bølgjer kombinert med nedbør står på.
- Brannvesenet skal ha ei stor takk for innsatsen sin, dei kom til med pumper og stropper og fekk båten til å flyta igjen.
- Vi fekk den på verkstad og motoren blei starta same ettermiddag. No håpar eg skadene ikkje er for store, og at eg får båten på sjø igjen til neste godvêrsperiode.