Eitt nedrykk - ingen opprykk

I helga har serien i dei øvste divisjonane blitt avslutta. Mykje sto på spel for osingane Vegard Leikvoll Moberg (Bodø/Glimt), Bjarte Haugsdal (Nest-Sotra), Simen Helland Lassen (Åsane) og Ole Martin Lekven Kolskogen (Åsane).

Bodø/Glimt kunne i teorien ha hamna ut i kvalifisering for å halda seg i Eliteserien, Åsane spelte andre av to kvalifiseringsrundar for å halda seg i OBOS-ligaen og Nest-Sotra kjempa om opprykk til Eliteserien.

Landa på 11. plass i Eliteserien

Men Bodø/Glimt, med Leikvoll Moberg på benken, leia 0-1 og landa på 1-1 borte mot serievinnar Rosenborg, og ville grunna Start sitt 3-1-tap for Haugesund uansett unngått kvalifisering.

Nordlendingane til Moberg landa på 11. plass av 16 lag, «Leik» har spelt 26 kampar i år (mot 30 i fjor).

Nær opprykk

For kaptein Bjarte Haugsdal og Nest-Sotra gjekk det ikkje like bra.

Dei hadde sjanse til å ta eit sensasjonelt opprykk til Eliteserien, men tapte 0-1 for Aalesund og må nøya seg med å spela i OBOS også neste år.

Åsane rykker ned

Simen Helland Lassen spelte frå start og heile kampen for Åsane i andre kvalifiseringskamp mot KFUM. Borte ordna som kjent innbytar Erik Huseklepp snuoperasjon og 1-2-siger.

I går gjekk Åsane opp i leiinga, men bortelaget snudde kampen etter pause, vann 1-3 og sendte Åsane ned i 2. divisjon. Kolskogen spelte frå 72. minutt, men U17-spelaren frå Os klarte ikkje å vera med på å redda OBOS-plassen for Åsane.

Lassen har spelt 21 kampar for Åsane i år, Kolskogen 15.