Sport | 15. aug. 2010

Elite-sølv til Amalie

Arna-Bjørnar sitt jentelag tok sølv i Hafslund Cup med Os-keeper Amalie Lindborg Bøyum mellom stengene.

Elite-sølv til Amalie
Kjetil Vasby Bruarøy
Kjetil Vasby Bruarøysøndag 15. aug. 2010 19:26

Amalie Lindborg Bøyum (16) trente saman med venninna Åsne Takle Eide med toppserielaget Arna-Bjørnar i vinter. Åsne gjekk som kjent til Arna-Bjørnar i vår medan Amalie, som er keeper, debuterte på seniornivå med Os sitt damelag.

- Det var veldig lærerikt å trena med toppserielaget i vinter, seier Amalie til Midtsiden.no.

I helga har ho vore med Arna-Bjørnar igjen, denne gong for å spela eliteturnering med jentelaget deira.

Spelte heile turneringa
Røa Fotball står som teknisk arrangør av Hafslund Cup, ei turnering der toppserien sine jentelag saman med nokre utvalde jentelag blir invitert.

Kvart lag får lov til å ta med seg inntil tre spelarar frå andre klubbar, og Arna-Bjørnar lånte spelarar frå Bjarg, Austevoll og Os.

Amalie vakta buret i alle kampane, med suksess!

Slo Norway Cup-vinnar
Dei 12 laga i cupen var delt inn i fire puljer. Arna-Bjørnar fekk tøff matching i pulje med Klepp og Lyn, som har vunne Norway Cup dei siste åra, som motstandarar.

Begge dei innleiande kampane enda med siger, 2-1 over Lyn og 1-0 over Klepp.

Semifinale og finale sundag
Som puljevinnar gjekk Amalie og Arna-Bjørnar vidare til semifinale, og det blei eit Vestlands-oppgjer mot Voss. Med 3-1 sundag formiddag sto berre finalen igjen.

I kampen om førsteplassen møtte Arna-Bjørnar Oslo-laget Gjelleråsen. Kampen blei jamn og spennande, men enda med 2-3-tap.

- Vinnarlaget fekk 20.000 kroner i premie til klubben, men vi fekk også pengepremie, seier Amalie, nøgd med å ha vore med på å tent inn 10.000 kroner til Arna-Bjørnar.

Sjå resultatliste frå Hafslund Cup.

Neste kamp for Amalie blir for damelaget til Os når dei sundag 22. august startar haustsesongen med bortekamp mot Radøy/Manger. Sundagen etterpå er det heimekamp mot Flaktveit (kl 18.00).

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.